البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : يا الله يا اللي لأشرف الخلق حبيت

الشاعر: حمود العلي الرشيد

أخفاء الحركات (لقراءة أسهل)

القافية : ياء - صفحة 1   ( عدد الصفحات : 3 )

1    يا الله يا اللي لأشرف الخلق حبيت يا عالم ما في خفي الأحوالي
2    يا عالم ما يبدي الصدر وأخفيت يسمع دبيب النمل منشي الخيالي
3    يا الله يا اللي ما لغيرك ترجيت راضي بحكمك يا عزيز الجلالي
4    هيضت ما كنيت وأبديت ما أخفيت وإن ضقت أنا سليت حالي بحالي
5    وان نمت عقب الهم ساعة وسجيت الأربعة بالحلم دايم ببالي
6    يا ليتني قيلت معهم ولا جيت ولا شفت ذبحتهم جميع قبالي
7    متعب ولد بنتي ولا عنه سجيت ومشعل ربيعي يوم يجلس قبالي
8    وطلال يلجى لي وأنا له تلاجيت لي شفت زوله تارد الماء حبالي
9    ومحمد اللي ذبح في رفة البيت عز الله انه من ضناين عيالي
10    ما ينفعك كثر المنى لو تمنيت ولا ينغرف دم صفق بالسهالي
11    ما شفت منهم نقض علم وتبريت قلت آه يا يمنى بليا شمالي
12    عز الله أني بالعهد ما ترديت من نسل عبد الله بالأول وتالي
13    بعيوني أرعاهم ولا عمري أغضيت لا شك جا نقض العهد من عيالي
14    سلطان كد بقت العهد لو ترقيت الشمس لي زالت يزول الظلالي
15    سلطان ورث الميت مثله غدا ميت ولا ينفع المحروم كثر الحلالي






جميع الحقوق محفوظة © 2006-2020 - القرية الألكترونية في أبو ظبي www.evuae.com