البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : البارحه ما طبق الجفن بالنوم

الشاعر: حوشان بن عبود بن سويلم العازمي

أخفاء الحركات (لقراءة أسهل)

القافية : ياء - صفحة 1   ( عدد الصفحات : 1 )

1    البارحه ما طبق الجفن بالنوم كثرت هواجيسي وزادت اهمومي
2    جني رضيع عن حلا النوم مفطوم ولا غريب حط في حبس رومي
3    حطوه في وصطه وهو فيه مظلوم لا سلم من سوه ولا داس لومي
4    ما كتب لك ياعبد باللوح ملزووم اما وصلته جاك لازم لزومي
5    وانا بدبرت فارض الحج والصوم راضي بتدبير الاله الرحومي
6    من عقب ذا يا راكبين على كوم حراير فوقه سوات الرجومي
7    او فوق ما يقطع زما كل مزموم دوج يلين جاسيات الحزومي
8    اليا اشتغل يقعدك حسه من النوم مثل الرعد في مدلهم الغيومي
9    خله مع السكه والا انته بمليوم لي صرت في ممشاك راعي لزومي
10    يمشي عقب باكر وباكر مع اليوم مشيء الرخاء ماهو ممشا امهمومي
11    ملفاك قصر به للاجواد مرسوم داف الشحم تلقاه لو هو امعدومي
12    خوالي اللي طيبهم دايم الدوم بدرب المراجل ما عليهم اثلومي
13    في قصرهم ملفا للاصحاب والقوم لي شح في ماله ردى العزومي
14    سلم عليهم قبل تعطيهم اعلوم سلام احلا من حليب الردومي
15    والي ابقلبي بوسط الخط مرسوم مني اليهم بالسلام امختومي






جميع الحقوق محفوظة © 2006-2014 - القرية الألكترونية في أبو ظبي www.evuae.com