البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : عزي لقلب بالهوى خالف الشور

الشاعر: حمد المغلوث

أخفاء الحركات (لقراءة أسهل)

القافية : حاء - عزّي لقلب بالهوى خالف الشور   ( عدد الصفحات : 2 )

1    عزّي لقلب بالهوى خالف الشور عيّا يطاوع باذلين النصايح
2    متولّعٍ ما يوحي الشور مجبور دري ولا يوحي كثير الصوايح
3    هيهات يالعذال لو ينفخ الصور راعي الموده في هوى الروح دايح
4    واصبح دماغه من هواهن فايح كم واحد في قيد الاحباب ماسور
5    وكم واحد امسى من الولف مسرور واصبح من الفرقا على الفرش طايح
6    للبيض نوهات صفاهن معمور ومرٍّ يعرضن للحبيب الفضايح
7    مثل الدهور الهن تصاريف وكدور وحتوفهن وكيودهن له جوايح
8    طاوعتهن غصب ونا كنت منعور وقاودت انا للحب قود الذبايح
9    يا عاذلين المبتلي ذاك معذور من فارق الخلان شاف التنايح
10    راعي الموده دايم الدوم ممرور وينه ووين اهل الطرب والبجايح
11    دشيت في بحر العماهيج مغرور طرب وناعشني نسيم الروايح
12    و اثر المحبة تخلف الراي والطور وتزوغ بالسنة الحداد الفضايح
13    ما لوم من صمّم على الشور مصخور ما يسمع العذال لو صاح صايح
14    الله يصبرني على الهم والجور من هالسنين المزعجات الكلايح
15    قبل الجفا سدي عن الناس مستور واليوم بان وكوكب الصد لايح
16    قلت آه من وجدي على سيّد الحور وجد الغريب الي دياره نزايح
17    او وجد من خلّي طريح ومكسور يوم اجتوال الخيل والعج سايح
18    وجدي على سمح النبا كامل النور الجادل الميّاح حلو المزايح
19    يدني الخطا كنه من التيه مهجور مشي الرعابي في فياض البطايح






جميع الحقوق محفوظة © 2006-2014 - القرية الألكترونية في أبو ظبي www.evuae.com